cuntegn
Alexi e Marcus – Il clom dalla Greina
La canzun dalla musica
Maria regina
34 umens
Bien di cumar
Buna sera biala
Canzun dils Lumerins
Cumiau
Dei jeu pia cun tristezia
Fontaunas clar resunan
Juhè vin de fiasta
La guardia dil barun
La sera sper il lag
La parlera
Veta da zagrenders
La canzun dalla musica
1 [tuts]
Tier ina biala fiasta
Nus essan radunai
Buiu havein ch’ei basta
Mo seit vein pir che mai.
[refrain – tuts – 2x]
Perquei ustier va tier la buot
e porsch’a nus aunc in daguot
2 [tuts]
Il vin dat buna bucca,
Formescha bein ils tuns
Ch`ei seglian sco giud rucca
En ferms e leghers spruns.
refrain
3 [bass b/es]
Il bumbardun la hottas
Tegn ferm sco il mistral
Sch’el vesa sper las notas
In tgiembel plein buccal.
refrain
4 [posauna]
Ils posaunists quels sunan,
Ch’ils mirs da Jericho
Danovamein sbalunen,
Sch’els beiban mordio
refrain
5 [cornet e trumba]
Il losch trumpetter letga
La bucca incuntin
E sia lieunga schetga
Sto el bugnar cun vin.
refrain
6 [horn, bariton, eufoni]
Dein horns far melodia
Sche drovan els in sitg,
Ch’ei vesan strusch la via
Che meina tras il vitg.
refrain
7 [pauca]
Nies bien pauchist quel marcla
Siu schumber mordio
Ed el fa ina viarcla
E beiba er traso.
refrain
7 [tambur]
E nies tambur ses virbels
Fa era incuntin,
Mo en scadina pausa
El lai gustar il vin.
refrain
8 [tuts]
Insumma nus adina
Havein zun gronda seit
Ch’ei sei sulegl ni glina,
Po’i esser cauld ni freid.
refrain
Alexi e Marcus – Il clom dalla Greina
// 16 tacts introducziun dalla musica
Pastiras selvadias
Valettas e cuolms
Bleissas e greppa
Garveras e flums
Grepaglia, cascadas
Glatschers e platius
Planiras e draussa
Dutgets e palius
Repeter 2 gadas
[ Quei ei er nossa patria
Mo tgi defenda ella? ]
Repeter 2 gadas
[ Defenda enzatgi ella? ]
// 8 tacts intermezzo dalla musica
Seferma viandont
E teidla ell’aua
Il tun da tristezia
Suonda il clom
E salva la Greina
Igl ei neras uras
Che ti fermies tiu pass
Seretegn viandont
La la….
E siar’ils maletgs
Dalla Grein’egl intern
// 8 tacts intermezzo dalla musica
Repeter 3 gadas
[ Quei ei er nossa patria
Perquei salvei la Greina ]
text e musica: Alexi Nay e Marcus Hobi (1986)
Maria regina (Maria zu lieben), Perdanonza Nossadunna
// Introducziun dalla musica da 4 tacts
1 Maria regina alzada sil tron;
Sin tgau has la cruna, sin bratsch igl affon.
Refrain:
Tier tei, o purschala, nos egls nus alzein;
de tia pussonza nus tuts sefidein
2 Regina, pertgira il pievel cartent;
Tiu scepter spuenti la siarp lunsch naven.
Refrain
3 Defenda, o mumma, sil mund tes affons,
L’entira Baselgia els prighels schi gronds.
Refrain
101. Maria regina (Mel. pop.) Ord la «Cecilia»
Juhè vin de fiasta
Juhè vin de fiasta
spendegi’il barun,
ina auter bubradi
che scotg’e scharun.
Holla nus auters
svidein ili buccal
e mein cun la matt’en rudi
sugl iral.
Holladi, holladi, holladiho
el tact della suna
pertgiri po po.
Hellà ti puranchel
stai leghers cul matg.
Gl’atun eisi auters
che gaudan tiu fatg.
Holla nus auters…
Baruns van a catscha
ad ault sin cavagl
e purs van cun grascha
cun bos e benagl.
Holla nus auters…
La parlera
Sper clavau ei secasada
ringaldi e …
da parlers ina truppada
ringaldi e …
Bab e mumma ed affons,
murlis pigns ed er pli gronds,
rindaldi e …
Ils cavagl sper la purteglia
trest lei pender si’ureglia.
El peletg’il magher paun
e dasperas dorm’il tgaun.
Cheu damond’il vegl la veglia,
rindaldi e …
nua has ti la butteglia?
rindaldi e …
Lezz’ei vita tochen dem
Al parler va si in fem.
rindaldi e …
Vegl carpien ti buedra stria,
la butteglia era mia.
Vegl glimari che ti eis,
ella gresch’e segl’en peis.
Ord la seiv in pal la sdrappa,
pils cavels starschli la tschappa,
nu’ch’il dies gest cala si,
sa la uss il fest sentir.
Cheu arriv’jeu en furtina
rindaldi e …
per dismetter la carplina.
rindaldi e …
El secalma, ella buca,
sia lieunga mei ha tuc.
rindaldi e …
Vus suei von vossa porta!
Sche miu um mi dat la torta,
sch’ha’l il dretg, gl’ei miu mariu.
E sch’el dat, el dat sil siu.
Ves’jeu ussa en uiara
rindaldi e …
in parler cun sia cara,
rindaldi e …
ditgel jeu, vulvend il dies:
«Vus mo dei, vus deis sil vies.»
rindaldi e …
Dei jeu pia cun tristezia
Dei jeu pia cun tristezia
tei mia cara bandunar?
Di a mi tgi ei po lezza,
la caschun ch’jeu stoi laschar?
Di a mi …
Cur che jeu tier tei vegnevel
tontas liungas seras o.
Per carezi’amur sincera
senza sien aunc fussen leu.
Per carezi’amur…
Ver’amur lai buc durmire,
la carezia buc ruaus.
Bein con legher pon quels rire
che han quei buca empruau.
Bein con legher…
Tgei iert a mi nezegia
sch’jeu hai nuot da metter en?
Tgei mi gida la giuventetgna,
sch’jeu hail ni divertiment?
Tgei mi gida…
Cur che jeu tras Cuera mavel
tut la glieud mirond sin mei.
Co mes egls spundeva larmas,
cara biala mo per tei.
Co mes egls…
Ils mes egls ein mias plemas,
mias vestas il pupi.
Tenta ein las mias larmas,
pia scriv’jeu cun bargir.
Tenta ein las…
Sunei si vus musicants uss,
sunei si vos instruments.
Per plascher alla mia cara,
lura sun jeu bein cuntents.
Per plascher…
Pietigot, muronza cara,
buna notg e dorma bein.
Il miu cor vi jeu ti dare
sche ti vul vegnir cun mei.
Il miu cor…
Rosmarin e matg da fandra,
Quei dun jeu per in tresor,
a miu car uss per memoria
e per pègn a ti dil cor.
A miu car…
Buna sera biala
Buna sera biala
Buna sera biala,
jeu vegnel a termagl.
Buna sera biala,
jeu vegnel a termagl.
Jeu vegnel alla posta
per tei dumandar.
Jeu vegnel…
Mo per questa sera
jeu sai nagutta dir.
Mo per questa sera
jeu sai nagutta dir.
Gl’ei uras, gl’ei uras
dad ir uss adurmir.
Gl’ei uras…
Per la sien maneivel
pos ti cun mei aunc star.
Per la sien maneivel
pos ti cun mei aunc star.
Ti has el senn la mira
da mei mo snaregiar.
Ti has el…
La guardia dil barun
Nus essan la guardia dil niebel barun,
carghein pil cavez e carghein pil tapun.
Ch’ei seigi da nobel, ch’ei seigi cumin
da nossa brancada sehona negin.
Ahoi tra-la-la…
cun la barta ni cul pugn,
a tgi che sempatscha in frac giu pil grugn.
Ahoi, tra-la-la…
Nus essan la guardia dil niebel barun,
salvein stiva biala cun vin e schambun.
La matta fintschala serrein nus el cor
per ella resuna nies miedi sonor.
Ahoi, tra-la-la…
Nus essan la guardia dil niebel barun,
midein cheu sin tiara ni tschiep ni patrun.
Passond tier l’armada, la gronda vozei
Sogn Pieder engascha guardians nus puspei.
Ahoi, tra-la-la…
da Toni Halter / G. Luregn Arpagaus
Fontaunas clar resunan
Fontaunas clar resunan,
uals si cuolm naschi,
aval ei sesparunan
e creschan mintga di.
Ei trai favugn migeivel,
ei dat sulegl bi clar.
Quei ei in temps legreivel,
schi bials per viagiar.
Quei ei in temps…
Jeu sentel la fladada
dil vent sedestadau,
la veta leventada
sut tschiel serein e blau.
Miu cor, er ti sesarva,
canzuns fai sesaltar.
Passond tras nova jarva,
tgi less ca selegrar.
Passond tras nova…
Cantond sco las fontaunas
jeu mon per cuoms e vals
legrias primavaunas
jeu partel cun utschals.
Tras l’aria fina clara,
o matg ti vegns ornaus.
Sche seigies en la tiara
da cor beneventaus.
Sche seigies en la…
(Exempel) da H. Erni / P. Ricklin
Canzun dils Lumerins
(ten. mel.: Es Burebüebli…)
Bia flurs dat ei en nies curtgin
fittadas tschéc e fin, juhé.
Fidirili…
Fitadas tschéc e fin.
Prendessel ina ord lur miez
Sch’ei l’alva sco in piéz, juhé
Fidirili…
La Gelgia loscha sc’in pivun,
la lieunga sc’in tizun, juhé.
Fidirili…
La Ghetta culs cavels vendi
al Moser per igl ani, juhé.
Fidirili…
Ed autras han tagliau suto
in bratsch da marino, juhé.
Fidirili…
Masseras bunas per in pur
strusch catt’ins sut gl’alzur, juhé.
Fidirili…
Sche laschel tuttas aunc flurir
e sai sco mat murir, juhé.
Fidirili…
34 umens
Trentaquater umens senza bass, bass, bass
van da via giu stupent el pass, pass, pass
Cheu vegn la polizi’e di: «Tgei dat quei cheu?»
Trentaquater umens senza bass, bass, bass.
Bien di cumar
Bien di cumar, co veis durmiu?
Co ha il sien a vus plaschiu?
Fidiri, fidira…
Miu um ha questa notg semiau
ed oz ha el er mal il tgau.
Fidiri, fidira…
Il miu ha fatg il semegliont,
di l’autra tut a suspirond.
Fidiri, fidira…
O vus cumar vegni po en,
che nus saveien ver endamen.
Fidiri, fidira…
Mo cheu pudeis vus strusch, strusch en.
Gl’e9 tut sterniu, mo gianteren.
Fidiri, fidira…
La stiva hai jeu buc scuau.
Da far si letg hai emblidau.
Fidiri, fidira…
Cumiau
Da mia patria stoi cumiau jeu prender,
quei fa il cor, il cor schi grev a mi.
Da lunsch da casa stoi jeu uss mi render,
cun bab e mumma sai jeu buca star pli.
Da lunsch da casa…
Uss stei cun Diu, mes frars e mias soras!
Jeu pren cun larmas oz da vus cumiau.
Engraziament per tuttas bialas uras,
che nus havein ensemen passentau.
Engraziament per…
Stei bein parents, amitgs, stei bein ti prada!
Stei bein vus cuolms, curtgins e mias flurs.
Tgi sa, sch’jeu vez vus la davosa gada,
uss stei cun Diu jeu partel cun dolurs.
Veta da zagrenders
(«Lustig ist das Zigeunerleben»)
Ils zagrenders leu sper via
faria, faria ho,
libers vivan en cumpignia
faria, faria ho.
Oz sco els lein selegrar,
egl uaul er nus campar.
Faria…
Tier gl’ual cun aua clara
faria, faria ho,
bein marvegl il cavriel cumpara
faria, faria ho,
Leu la seit er nus dustein,
vid il vin mo patertgein.
Faria…
Tras la selv’aunc tard camina
faria, faria ho,
loschamein la selvaschina
faria, faria ho,
Mo mudregia nus la fom
dein in siet viers il cagliom.
Faria…
Vegn la ser’e vegn stgiraglia
faria, faria ho,
spetga in quartier da vaglia
faria, faria ho,
Plaun cun mescal bein cuvretg
sto survir a nus per letg
Faria…
La sera sper il lag
Solemn ruaus, ruaus cheu sin la riva,
d’umbriva stat il lag curclaus,
il bi sulegl, cun sia glisch tardiva,
davos ils cuolms ei sesbassaus,
E gui da tschiel, da tschiel las steilas biaras,
migeivel miran giu el stgir,
miu cor tgei aunc, miu cor tgei aunc empiaras,
va era ti tier dultsch durmir,
(Exempel) T: Flurin Camathias / M: Gion Balzer Casanova